२८ असोज,बर्दिया |
बर्दिया जिल्लाको बाँसगढीमा जारी बाँसगढी प्रिमियर लिग (BPL) सिजन ३ को दोस्रो खेलमा बाँसगढी रोयल टाइगर्सले सशक्त प्रदर्शन गर्दै माछागढ सुपर स्ट्राइकर्सलाई १३ रनले पराजित गरेको छ।
टस जितेर पहिला ब्याटिङ रोजेको बाँसगढी रोयल टाइगर्सले १५.३ ओभरमा ११५ रनको प्रतिस्पर्धात्मक स्कोर खडा गर्यो। टाइगर्सका लागि राहुल शर्माले सर्वाधिक ३७ रन बनाए भने नविन न्यौपानेले २४ रनको योगदान दिए।
बलिङतर्फ माछागढ सुपर स्ट्राइकर्सका राजन शाही सबैभन्दा सफल रहे, उनले ४ विकेट हात पार्न सफल भए। सोलुप चौधरी र नितेश न्यौपानेले समान २-२ विकेट लिए भने युवराज ओलीले १ विकेट लिए।
११६ रनको लक्ष्य पछ्याउँदै मैदानमा उत्रिएको सुपर स्ट्राइकर्सको टोली १८.४ ओभरमा १०२ रनमै समेटियो। टिमका लागि सोलुप चौधरीले सर्वाधिक ४५ रन बनाए भने नितेश न्यौपानेले २२ रन जोडे।
बलिङमा बाँसगढी रोयल टाइगर्सका सुदिप राना प्रभावशाली रहे, उनले ३ विकेट लिए। निर्मल गुरुङ र समिर आचार्यले समान २-२ विकेट लिए भने लभकुश यादव र सविन साक्यले समान १-१ विकेट हात पारे।
व्याटिङमा १४ रन र बलिङमा २ विकेट लिएका निर्मल गुरुङ म्यान अफ द म्याच घोषित भए।
यो जितसँगै रोयल टाइगर्सले BPL सिजन ३ मा विजयी यात्रा सुरु गरेको छ।
