नेपाल पत्रकार महासंघ बर्दिया शाखाको शुक्रवार सम्पन्न निर्वाचनबाट अध्यक्ष पदमा स्वतन्त्र उम्मेदवार निर्मल घिमिरे १७ मत अन्तरले विजयी भएका छन् । सो निर्वाचनमा ३६ मत प्राप्त गरी घिमिरे विजयी भएको निर्वाचन समितिले जानकारी दिएको छ ।
अध्यक्ष पदका प्रतिस्प्रधि सन्तोष पौडेलले १९ मत प्राप्त गरे । सचिव पदमा यज्ञप्रसाद सापकोटा विजयी भए । सचिव पदका प्रतिस्पर्धि केशव कोइरालाले ५ मत प्राप्त गरेका थिए ।
यस्तै महासंघको कोषाध्यक्षमा हरि गुरुङ ३५ मतका साथ विजयी भएका छन् भने उनका प्रतिस्पर्धि मीन अधिकारीले १७ मत प्राप्त गरेका थिए । सो निर्वाचनमा कुल ६२ मतदाता मध्ये ५५ मत खसेको थियो । अन्य पदमा निर्विरोध निर्वाचित भएका छन् ।
उपाध्यक्षमा डिल प्रकाश गौतम, महिला उपाध्यक्षमा पुष्पा चौधरी, सहसचिवमा भिम उचै ठकुरी र सरम चौधरी निर्विरोध निर्वाचित हुनुभयो । यस्तै महासंघ कार्यसमिति सदस्यहरु पनि निर्विरोध निर्वाचित भएका निर्वाचन समितिले जनाएको छ ।
